Најпосетуваните предавања за идни родители со нови теми и предавачи – започнува новиот циклус
Драги идни родители,
Со големо задоволство го најавуваме почетокот на вториот циклус бесплатни предавања за идните родители, кој стартува в среда, на 11 август 2021 година. И во овој циклус за вас подготвивме интересни содржини, нови теми и голем број подароци. Нашите доктори, медицински сестри и акушерки се тука за да дадат одговор на секое ваше прашање и дилема поврзана со бременоста.
В среда стартуваме со темата „ Ултразвучен скрининг во бременост –дилеми и предрасуди “, а предавач е д-р мед. науки Снежана Стојковска, гинеколог-акушер. Во наредното предавање, пак, ќе добиете совети за здрава исхрана во бременост бидејќи правилниот начин на исхрана за време на е многу значаен за здравјето на трудницата и бебето.
Новитет од овој циклус е предавањето за постпородилниот период и советите за побрза и поедноставна адаптација.
Со задоволство ве очекуваме да дојдете во голем број, заедно да се едуцираме за здрава, среќна и лесна бременост. Почнувајќи од март 2015 година до денес, на нашите предавања многу трудници споделуваа свои искуства, среќни мигови, но и им поставуваа прашања на нашите доктори.
Предавањата се од отворен карактер и на нив може да се пријават сите трудници и нивната придружба. Ги почитуваме сите мерки и безбедносни протоколи за целосна заштита од SARS-CoV-2 вирусот.
За секоја трудница подготвуваме интересен подарок од нашите Acibadem Sistina BABY пријатели.
Пријавете се задолжително во нашиот контакт-центар на 02 30 99 500 или на е-пошта Оваа е-адреса е заштитена од спамботови. Треба да ви е овозможено JavaScript за да ја видите.. Бројот на места е ограничен.
Подолу можете да ја погледнете целосната програма.
Се гледаме секоја среда во 19 часот во Acibadem Sistina!
