Неплодност

Денес се смета дека можеме да се сомневаме на неплодност и дека парот треба да почне со испитувања и лекување, ако покрај редовни полови односи и без употреба на контрацепциони средства не дојде до бременост во периодот од 18 месеци. Кај мажите и жените во позрела возраст, испитувањето почнува веќе после шест месеци.

Инциденцата на неплодноста во светот е помеѓу 10 и 16%. При тоа кај околу 40% причината е кај мажот, приближно ист дел отпаѓа на жената, а кај околу 20% од случаите репродуктивните проблеми се општи, со нарушувања на нормалната состојба и кај двата партнера. Оптималната плодност кај жената е помеѓу 20 и 25 година. До значително намалување на плодноста, доаѓа после 35, односно 38 година од животот на жената. Кај двата пола репродукцијата манифестно опаѓа над 40 година од животот.

Се смета дека во Р.Македонија инциденцата на инфертилитетот е поголема од 16%, односно дека секој шести пар има проблеми со плодноста.